Njuolggadusat

Áigedávval

  • Gilvu álgá: čakčamánu 1. beaivve
  • Gilvu nohká: čakčamánu 30. beaivve

Riikkaidgaskasaš gilvvu njuolggadusat

  • Govva almmustahttojuvvo Wikimedia Commonsa dohkkehan rabas kulturliseanssain (Creative Commons Namat-JuogeSeammaláhkái 4.0 dahje rahpasut). Wikimedia Commons -bálvalus lea Wikimedia Foundationa rabas govvabáŋku. Govat seilot doppe maiddái gilvvu maŋŋá ja daid sáhttá ávkkástallat friddja, go čuovvu rabas liseanssa eavttuid.
  • Govva sáhttá leat váldojuvvon goas beare, muhto dan galgá sáddet Wikimedia Commonsii čakčamánu 2019 áiggi.
  • Govvejuvvon čuozáhat lea merkejuvvon govvenčuozáhagaid logahallamii ja čuozáhaga galgá dovdát govas. Geahča lassedieđuid rávasiiddus.
  • Oasseváldi galgá leat ieš váldán gova.
  • Oasseváldi miehtá addit iežas šleađgapoastačujuhusa go registrere Wikimedia Commonsii, vai suinna sáhttá váldit oktavuođa juos sun vuoitá.
  • Suoma gilvui sáhttá oassálastit dušše Suomas váldojuvvon govaiguin. Riikkaidgaskasaš siiddus čájehit eará riikkaid našunála gilvvuid, maidda lea vejolaš oassálastit daid guovlluin váldojuvvon govaiguin.
  • Jury lahtut, Wikimedia Suomi rs bargit ja stivrralahtut eai sáhte vuoitit bálkkašumiid dahje oassálastit riikkaidgaskasaš gilvui Suoma oassegilvvu bokte.
  • Govaid válddedettiin ii oaččo rihkkut ruoktoráfi, ja priváhtta guovllus govvemii galgá leat lohpi.
  • Jurys lea vuoigatvuohta heivehit njuolggadusaid dárbbu mielde.

Ođđasit govven

  • Ođđasit váldojuvvon govva galgá leat ođđasit ráhkaduvvon veršuvdna muhtin jo váldojuvvon ja friddja geavahahtti govas.
  • Ođđasit váldojuvvon govvapárat oassálastet Suoma gilvui.
  • Ođđasit váldojuvvon govvapáraid ođđa govat oassálastet maiddái riikkaidgaskasaš gilvui, juos govva laktása lassin maiddái registrerejuvvon kulturárbečuozáhahkii.
  • Ođđasit váldojuvvon govva ii dárbbaš leat Suomas váldojuvvon.

Fuomáš

Gilvogovaide heivehit buot Wikimedia Commonsa gáibádusaid. Govat galget leat dahkkivuoigatvuođaid dáfus rahpasat, muhto daid geavaheami ii maiddái oaččo ráddjet ovdamearkka dihte čáhcesteampaliiguin. Hilguma sáhttá dagahit maiddái dahkkivuoigatvuođaid vuollásaš čuozáhaga, dego bácci govven, dahje gova heajos teknihkalaš kvalitehta. Loga lasi Wikimedia Commonsa geavadagain.

Govaid geavaheapmi

Gilvvus govat vurkejuvvojit Wikipedia atnin Wikimedia Commons -govvabáŋkui, gos dat seilot gilvvu maŋŋáge, ja leat friddja geavahanláhkái rabas liseanssa eavttuid mielde.

Gilvui oassálasti govaid dahkkivuoigatvuohta seailu govvejeaddjis, muhto govaid lisensieret Creative Commons BY-SA 4.0 -liseanssain (https://creativecommons.org/licenses/by-sa/4.0/deed.fi). Dat suovvá govaid juohkima ja nuppástuhttima dainna eavttuin, ahte govvejeaddji nama ja gova gáldu máinnašit ja ahte dan vuođul dahkkon duodji lisensierejuvvo seammá liseanssain.

Rabas liseanssa ii sáhte geassit ruovttoluotta, muhto govvejeaddji oažžu lisensieret gova nuppe láhkai nuppi geavahanulbmilii. Son oažžu ovdamearkka sihte vuovdit gova dakkár geavahussii, man CC BY-SA 4.0 ii daga vejolažžan.