Njuolgâdusah

Äigitavlu

  • Kišto álgá: čohčâmáánu 1. peeivi
  • Kišto nohá: čohčâmáánu 30. peeivi

Almugijkoskâsii kišto njuolgâdusah

  • Kove almostittoo Wikimedia Commons tuhhiittem ávus kulttuurlisenssijn (Creative Commons Noomât-JyeviSiämmáánáál 4.0 tâi ávusub). Wikimedia Commons -palvâlus lii Wikimedia Foundation ávus kovepaŋkki. Koveh siäiluh tobbeen kišto maŋa-uv já láá riijâht kevttimnáál ávus liiseens iävtui mield.
  • Kove lii puáhtám väldiđ kuás peri, mutâ tom kalga vuolgâttiđ Wikimedia Commonsân čohčâmáánu 2019 ääigi.
  • Kovvejum čuosâttâh lii merkkejum kuvvimčuosâttuvâi luvâttâlmân já čuosâttuv puáhtá tubdâđ kooveest. Keejâ lasetiäđuid ravâsiijđost.
  • Kove kalga leđe uásiväldee jieijâs väldim.
  • Uásiväldee miättá adeliđ jieijâs šleđgâpostâčujottâs ko registerist Wikimedia Commonsân, vâi suin puáhtá väldiđ ohtâvuođâ jis sun vuáittá.
  • Suomâ kiišton puáhtá uásálistiđ tuše Suomâst valdum kuvijguin. Almugijkoskâsii siijđost čäittih eres riijkâi aalmuglâš kištoid, moid puáhtá uásálistiđ toi kuávluin valdum kuvijguin.
  • Jury jesâneh, Wikimedia Suomi rs pargeeh já stivrâjesâneh iä pyevti vyeittiđ palhâšuumijd tâi uásálistiđ almugijkoskâsii kiišton Suomâ uásikišto peht.
  • Kuuvijd väldidijn ij uážu rikkođ päikkiráávhu, já priivaat kuávlust kuvviimân kalga leđe lope.
  • Juryst lii vuoigâdvuotâ heiviittiđ njuolgâdusâid táárbu mield.

Uđđâsist kuvvim

  • Uđđâsist valdum kove kalga leđe uđđâsist rahtum versio mottoom jo leijee já riijâht kevtittettee kooveest.
  • Uđđâsist valdum kovepaarah uásálisteh Suomâ kiišton.
  • Uđđâsist valdum kovepaarâi uđđâ koveh uásálisteh meiddei almugijkoskâsii kiišton, jis kove lohtâs lasseen meiddei registeristum kulttuurärbičuosâttâhân.
  • Uđđâsist valdum kove ij taarbâš leđe Suomâst valdum.

Huámmáš

Kištokuuvijd heiviitteh puoh Wikimedia Commons vatâmušâid. Koveh kalgeh leđe tahheevuoigâdvuođâi tááhust ávuseh, mutâ toi kevttim ij uážu raijiđ meiddei ovdâmerkkân čäcistemppâlijguin. Hilgom puáhtá tovâttiđ meiddei tahheevuoigâdvuođâi vuálásii čuosâttuv, tegu verâttâs kuvvim tâi kove hiäjus teknisâš kvaliteet. Luuvâ lase Wikimedia Commons vuáválâšvuođâin.

Kuuvij kevttim

Kištoost koveh vyerkkejuvvojeh Wikipedia kevttim Wikimedia Commons -kovepaaŋkin, kost toh siäiluh kišto maŋa-uv já láá riijâht kevttimnáál ávus liiseens iävtui mield.

Kiišton uásálistee kuuvij tahheevuoigâdvuotâ siäilu kovvejeijest, mutâ kuuvijd lisensisteh ávus Creative Commons BY-SA 4.0 -lisenssijn (https://creativecommons.org/licenses/by-sa/4.0/deed). Tot suávvá kuuvij jyehim já nubástittem toin iävttoin, ete kovvejeijee noomâ já kove käldee mainâšeh já ete tast suorgiittum tyeji lisensistoo siämmáin lisenssijn.

Ávus liiseens ij pyevti keessiđ maassâd, mutâ kovvejeijee puáhtá lisensistiđ kove nubenáál nube kevttimulme várás. Sun puáhtá ovdâmerkkân vyebdiđ kove taggaar kiävtun mii ij lah máhđulâš CC BY-SA 4.0 -lisenssijn.