Vuässõõđ ǩiõlbbu 1.–30.9.2019 kõõskâst vuõltteeʹl snimldõõǥǥ Wikimedia Commons-sijddu täi vuäʹppõõzzi mieʹldd.
Kulttuuräʹrbbpääiʹǩ
- Ooʒʒ liistin paaiʹǩid, koid haaʹlääk sniimmâd. Tõk lie jäʹrjstum mäddkooʹddi da kooʹddi mieʹldd. Go leäk kaunnâm pääiʹǩ, vuäitak vuõltteed snimldõõǥǥ tõn õhttvuõđâst leʹddi liiŋk pääiʹǩ čõhččmannu ääiʹj.
- Jõs kulttuuräʹrbbpäiʹǩǩ ij kaunnu liistâst, leâša tõt käunnai Museovirasto kääzzkõõzzâs kyppi.fi, vuäitak vuõltteed tõn pååđ vuõltteemlomaakkin.
- Vuäitak ooccâd pääiʹǩ, koon haaʹlääk sniimmâd, še ââʹneeʹl Monumental-karttprograam ǩiõttʼteʹlin leʹbe teâttmašinain.
Oʹđđest sniimmâm
Tän eeʹjj dommjânnamlaž ǩiõlbbu vuäitt vuässõõttâd še sniimeeʹl oʹđđest histoorlaž snimldõõǥǥid paaiʹǩin, koʹst tõk lie snimmum. Čuâv vuäʹppõõzzid vuâlbeäʹlnn.
Ajapaik-ǩiõttʼteʹlprograammin
![ajapaik.png](https://www.kansalliskirjasto.fi/sites/default/files/thumbnails/image/ajapaik.png)
- Viiǯǯ ǩiõttʼteela Ajapaik-ǩiõttʼteʹlprograamm Android-ǩiõttʼteela Play-kaaupâst.
- Mõõn åålǥas da ooʒʒ Ajapaik-prograammin pääiʹǩ, koon haaʹlääk sniimmâd. Ajapaik veǯǯ Finnast ââlda snimmum vuäʹmm snimldõõǥǥid.
- Sniim snimldõõǥǥ Ajapaik-prograammin da ruõkk. Snimldõõǥǥ ruõkkât Ajapaik-proggraʹmme da jiijjad ǩiõttʼteeʹl mušttu še. Čõhččmannust snimmum snimldõõǥǥ lie automaatlânji mieʹldd Wiki Loves Monuments -ǩeâlb Lääʹddjânnam rääidast. Jõs haaʹlääk vuässõõttâd meeraikõskksaž raiddu še, snimldõõǥǥ âlgg ruõkkâd Wikimedia Commons-sijddu vuâlbeäʹlnn leʹddi vuäʹppõõzz mieʹldd.
Ajapaik-proggraamtää
Jõs jiõk ââʹn Ajapaik-prograamm, vuäitak ruõkkâd oʹđđest snimmum snimldõõǥǥ nääiʹt:
Vuõlttâd snimldõõǥǥ, koon leäk sniimmâm, da liiŋk alggveärlaž snimldõʹǩǩe ǩeâlbblomaakkin čõhččmannu ääiʹj. Vuässõõttâm vääras âlgg ǩeeʹrjtõõttâd Wikimedia Commons-sijddu. Jõs tuʹst ij leäkku Wikimedia-till, vuäitak rekiʹstrõõttâd seämmast, ǥo vuõlttääk snimldõõǥǥ. Tiill registõõllmõʹšše mâânn pâi muäʹdd minuutt, jeäʹt-ǥa tuu teâđaid ruõkk.